عرار:

انا اختلفت بفكر واضح عن الناس
وهبه من المولى ولا هي عوايد
وان هاض فكري موج هادي بنساس
شط وبحر مع ليل نجمه وقايد
تأتي بيوتي عشق من رمل الاطعاس
مسترسله بالنظم مثل القلايد
في عنق ريم عيونها سود نعاس
شنحا طويله والحلا فيه زايد
ينقادلي حرفي كما قود الافراس
يتلن عقيد يقودهن للفوايد
وتأتي بنات الفكر بثياب الاعراس
واجعل لهن بالحرف فرش وسايد
هذي تهز الردف مع دق الاجراس
فلت شعرها وميلت به تحايد
يامهرتن تلعب سطر داخل الراس
وحبل الرسن مدروك قفل وحدايد
هذا شعوري وكل شاعر له احساس
واحساس فكري هيل بن القصايد
الى اندلع من دلة الفكر بقياس
فنجال لهل الكيف يوم المعايد