وما يزِين الشيب إلا براس شايب ..
ولا يجي غيث السما من دون ريح ..

والصبر ينقاس بكبار المصايب ..
والجبل من ألف هزّة ما يطيح ..

والرجال عزوم والدنيا تجارب ..
تكشف بعين الخطا عين الصحيح ..

مثل ما تكشف الشدّة كلّ صاحب ..
تفرق الوجه الفليح من القبيح ..

الزمن خادع ومتآمر وكاذب ..
ملمسه ناعم وفي صوته فحيح ..

مثل بعض اللي تحسبّهم قرايب ..
والحقيقة عكس والمعنى صريح ..

بالرخى يا كثر ما حولك حبايب ..
ويا بقاياهم وإنت تنزف جريح ..

الظروف أحيان تجبرنا نحارب ..
حتى لو ملّ الصبر ما نستريح ..

توقف الساعة ولا تمشي العقارب ..
والمواجع تستحل وتستبيح ..

حلمك اللي قبل يولد كان شايب ..
صمتك اللي كان هو عين النجيح ..

صدق ليلة موحشة والكلّ غايب ..
صدق إن الجو وجهه ما يريح ..

لكن اللي يعلم بغيب النوايب ..
جلّ شانه خالق الكون الفسيح ..

عش حياتك لا تلوم ولا تعاتب ..
لا تجوح ولا تنوح ولا تصيح ..

هذي الدنيا ترى خذها تجارب ..
واكشف بعين الخطا كلّ الصحيح ..

كلّ رمّة وكلّ خاسي وكلّ عايب ..
ما يعزّ وما يجلّ أهل المليح ..

#شعرعلاءالغانم
دمتم بكل خير